U yoh 14 tylli ki Hospital ka Meghalaya ya ka 10BedICU Project

Ki 14 tylli ki thaw sumaar ka sorkar wa em hapoh ki 11 tylli ki District ka jylla Meghalaya daw yoh ki yaka 10BedICU Project. 

Kani ka 10BedICU Project toh kawa deiwa ya krehlang ka chnat Health and Family Welfare ka sorkar Meghalaya waka eGovernment Foundation wei lyngba kani, daw yoh mar 10 tylli ki thaw thiah hapoh ki ICU ha ki thaw sumaar wa heh ka sorkar wa em ha ka District.

Ya kani ka 10BedICU Project da sdang hadien wa yoo yeiwa jia heipor wa wan ka la-ær wa ar u COVID-19 wei da yoo yei emkaam wow e yei sumaar wa biang ha waroh ki District wei kamjooh leh cha ki chnong wa em cha kdong cha chmiang ka ri.

Najrong ki thaw thiah daw booh leh ki tiar ki tar ICU ha ki District Hospital. Daw em leh ki stat Digital Technology kam ki ABDM yow suk wow tipmit ya kiwa chitom neitæ ka Compliant Patient Management Software wa tip kam ka CARE yow pynbha pynmiat yei e sumaar.

Related posts

Khut ka UDP-West Jaiñtia Hills ya kiwa kwah u yaleh MDC cha ka JHADC

November 25, 2024

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Daw em leh ka TeleICU System kawa krehlang wa ki TeleICU Hub yow ye ki Hospital wym em ya ki Specialist Doctor wow yaklam wa ki Doctor wa da pliah wei yeini leh daw booh ha waroh 10BedICU Hospital.

Daw pynman leh yei sikai kammon wow leh ya kiwa chah sumaar ICU.

Ya kani ka 14 10BedICU ha Meghalaya da yarap poisa da u Vinod Khosla waka HDFC Bank Parivarthan.

Kani ka 10BedICU da em ko ha 206 tylli ki Hospital ki 9 tylli ka jylla ka ri kitæ ja Karnataka, Telangana, Andhra Pradesh, Manipur, Assam, Nagaland, Sikkim, Meghalaya wa Puducherry.