Ki lieñsuiñ wa hær bait sak namo ki Direct Flight hapyrdi ka India wa China da sdang biang ki hadien wa pynsangeh ya ki hadooh san snem wei kattæ da sdang miat i yatoh kini ki ar ri.
Ka lieñsuiñ wa nyngkong toh ka IndiGo 6E 1703, kawa da mih ynne na Kolkata wei dapoi ko ha sorbah Guangzhou ka China deiwa kit ko 180 ngut ki bru.
Da pynsangeh ya ki lieñsuiñ cha China nadooh u 2020 neidaw ka joor ka khlam COVID-19 wei ka thma khian hapyrdi ki ar ri ha Galwan.
Ka sorkar India da ong ko i lai i wan ki lieñsuiñ wanrah i yei yajan hapyrdi ki bru ki ar ri, wanrah ko yei suk wa i yatoh wa miat hapyrdi ki ar ri.
Neiliang u Prime Minister Narendra Modi ha u Naisaphra da lai u cha China ha ka sien wa nyngkong hadien ynñiaw snem wow yachem wa u President Xi Jinping ka China kam chibynta ka Shanghai Cooperation Organisation Summit.
Ha uni u bnai u Foreign Minister Wang Yi ka China da wan u cha India heiwa da yaklam u heiyatoh wa kiwa boon ki kaam.
Ha u 2018 da em hadooh 2,588 tylli ki Flight hapyrdi kini ki ar ri.
Ini i sdang biang ki lieñsuiñ daw pynmyntoi i ya kiwa khayi pateiñ, kiwa lai uiñke kamjooh ki khynnah wa lai puræ neibhah chwa ini da hap wow hiar cha kiwi ki ri yow ye u hær won cha China.
Discussion about this post