U DC ka East Jaiñtia Hills District da pyntip u wa dadep wow thung ya ka Empowered Committee ka Department of Prison & Correctional Services yow pynkrehkaam ya ka Scheme ka sorkar pyrdi yow e yarap poisa cha ki koidi wa dooh wa duk wa em hapoh ka District.
Ki dkhot kani ka Empowered Committee toh u District Magistrate u wow krehkaam kam u Chairman, u Superintendent, District Prison & Correctional Home kam u Member Secretary wei kiwi ki dkhot ka Committee kynthup ki ya u Additional District Magistrate (Judicial), u Superintendent of Police, wa uwi uwa daw tyrwa da ka District & Sessions Judge wa u Secretary, District Legal Services Authority.
Ki kyndon wa hap u bood ka Committee toh yow bichaar katwon u ye u kyrchaan poisa yow su bai jamin, ki bai kuna wa kiwi de wei chong ha kani ka rai, u District Magistrate daw sai poisa u na ka Account ka Central Agency (CAN) yow lai su ya kani ka poisa ha ka yung bichaar.
Ka Committee ye ko leh wow thung ya u Nodal Officer yow paan yarap na kiwi kiwi ki seiñ næ ki bru wa kreh mon sñiawbha yow pait katwon emkaam yarap ki koidi.
Discussion about this post