Ka Jaiñtia Students’ Union (JSU) ynne da lai booh ujor ko ha u SP ka East Jaiñtia Hills da ki kyndon thmu pynyap bru heiyatoh wa iwa jia nadooh ka 30 tarik hadooh ka 31 tarik u July kam chibynta ka Public Hearing ka Shree Cement.
Ka seiñ da ong ko wa em boon bha i chah thombor wei neiliang ki pulit ym em leh ki iyi iyi neibynta kitu kiwa mut wow lai chimbynta ha ka Public Hearing wot hawa nadooh Garo Hills wan ki pulit da ki hajar ngut wei ileh wym phah ki cha khappood.
Neiliang u President ka seiñ, u Jersom Shylla da ong u wa da em ki Mafia kiwa da kawang moo wot ya ki dkhot ka seiñ hadooh wa da mynsoo ki.
Wei ki pulit wa em ha katu ka thaw ki wym toh u leh chiliang pait donhi ki wei da kawang pathan ki da ki Tear Gas cha ki paidbah.
Da ujor leh yei chah tih u sarok uwa man u sarok PWD kamjooh yei chah kawang moo ka Ambulance ka seiñ hadooh wa mynsoo uwa yah.
Da kyntu ya u SP wow chimkhia yeini wei lada ym leh ki iyi iyi daw lai ki cha ka High Court.
Da pyntip leh wa da booh ujor ha ka MHRC heiyatoh ini wa jia.
Discussion about this post