Kawi ka manbei da ujor FIR ko pyrchah ya u kurim hi ko deiwa pynbaad wa tooh u hadooh Rs. 10 lak ka poisa na yung deilang wa le tylli Mobile Phone wa ki kot ki sla kam ka Aadhaar Card, PAN Card wa kiwi de.
Kani ka manbei ka wym kwah wow pynmih pyrtuid hawa yaklam wa kiwa thoh khubor da pyntip ko wa da ujor ko pyrchah ya u kurim ko deiwa pynbaad wa jooh myllien u wow leh ki kaam damok ha yung deilang ya kiwi wei da thmu u leh wow slaitbor ya ka khynnah wa sah marjan wei da maham u leh ya kiwa ha-yung næ kiwon kiwon kiwa klam pyrchah wei kiwa em daw wa oo.
Ya ka ujor da booh ha Nongmensong Police Outpost ha ka 16 tarik uni u bnai deiwa ong wa da yut u na yung wa sah u nadooh ka 15 tarik uni u bnai.
Da ong ko wa ini i tooh u kurim ko toh i sien wa ar heiwa hei sien wa nyngkong da tooh u Rs. 50,000 wei ka kam ka kurim da maap ko ya oo ryngkat i pynyasuk wa ki pulit, tangwa kattæ neidaw wa ki kaam damok u ym em da sangeh i wei ym neh chah de ko hadooh wow dawa na ki bor ka aiñ wow thooh wow kdong ya oo.
Kani ka manbei da khana ko wa u kurim ko chisien da rah tari u dei thmu wow dung pynyap ya ka bei ko tangwa khlem da yohlaad neidaw wa ksoh ko oo.
Chooh chooh da khana ko wa da chongkha ki kattu la le snem wei da dat u ka man-i-por wei ka da ksaid da yaleh pyrchah ko yow lait nei mynsoo.
Ha iwi won i liang, kawi ka kynthai ka wym kwah wow pynmih pyrtuid kawa man hi kam kawa ha-yung ha-sem da ong ko wa uni u bru da maham u wow pynyap ka tangwa ym em khana ko ya kiwon kiwon lait noh na u kurim ko deiwa ong leh wa uni u bru toh uwa khlan bha u thok wei pynchoi bru.
Da ong ki leh wa ki waroh toh kiwa sah mar jan yung wei da tieñ ki neibhah uni u bru toh uwa maham pynyap u ki.
Discussion about this post