Ujor FIR ka VPP pyrchah ya kiwa Comment pynsih ha ki Social Media iwa da ktah yei pyrtuid ka Party

Ka VPP ynnin ka sngi da lai ujor FIR ko ha u SP ka East Khasi Hills pyrchah ya kitu kiwa thoh pynsih deiwa Comment ha Facebook wa YouTube iwa da ktah bha yei pyrtuid ka Party.

Ha ka FIR da ong wa haka ka kubor wa da pynmih ha YouTube hajrong ka phang wa ong “Ka Elekshon Kam Dei Ban Long Ka Jingwanrah Ia Ka Jingiapher Niam, Ong Fr. Richard”, da em uwi wa pynemkaam yei pyrtuit (User Name) @jsyiemliehmaduh413 uwa da thoh “Ha u prah me phadar” katwa uwi won uwa pynemkaam yei pyrtuid @FahvasFahva-me7yk uwa da thoh “Ha u prah noh me doh lap sngew mat” wei kam kini ki rukom thoh da ktah wei da pynsih ko yei pyrtuid ka VPP waroh kawi.

Ha kawi won ka FIR wa da e ha u SP hi, da ujor pyrchah ya kawi ka Facebook Account/Page heiwa da em uwi u bru wa da chna Account wa pynemkaam yei pyrtuid “Ardent Miller,+9856622858” wei u Admin kani ka Facebook Page toh u “Satar Ba Pawnam” heiwa da thoh ki ya iwi wa ong “Ka Sur U Myndie Iaka Ri Ka Jaitbynriew”.

Chooh chooh da ong leh wa da em ki bru kiwa da thoh “Ha U Prah” wot ha ki khubor pynbna yap bru wa pynmih da ki laad pathai khubor ha ki Social Media.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Kamtæ da ong wa ini waroh da ktah ko leh yei pyrtuid u President ka Party uwa man kam u MLA neibhah kini ki bru kwah ki du wow pynbood naam wei wow yahbakla ya ki paidbah.

Hajrong ini da dawa wow pynchitom ya kini ki bru katkam ki kyndon ki aiñ nadooh ka IPC, ka Information Technology Act wa kiwi de.