theme-sticky-logo-alt
theme-logo-alt
Advertisement ad1
Advertisement ad1

Ujor ka EJNC pyrchah ya u Vicky Dey

Advertisement ad1
Advertisement ad1

Ka East Jaiñtia National Council (EJNC) da ujor ko cha u Director General of Police (DGP) ka Meghalaya lyngba u SP ka East Jaiñtia Hills pyrchah ya u bru wa tip kam u Vicky Dey uwa da myllien wow klam ya ki kyntien pynsñiaw yaphær jaitbru hawa yatoh wa ki jaitbru Khasi wa kiwi ki jaitbru deiwa maham leh ya ki jaitbru ri-loom ka Meghalaya kiwa sah ha kiwi ki bynta ka India.

Ha ka ujor da ong wa u Vicky Dey toh uwa da pynemkaam da ki rynsan Social Media kam ka Facebook wa Instagram deiwa e yei klam (Live Speech) kiwa da pynbaad ya kiwa boon ki jait pyrchah ya ki Khasi deiwa kam wa ki Bengali wa em hapoh Meghalaya toh kiwa chah thombor ha ki Khasi.

Ka seiñ da ong ko wa uni u bru toh uwa pynpoor ya ki khubor hamsaya yow pynbood naam yei pyrtuid ki Khasi yow choon ki bru ki heiwa u Vicky da khut u ya kiwi ki jaitbru wow dat wow choh ya ki Khasi iwa da wanrah yei sñiaw yaphær jaitbru.

Uni u bru ha ki klam yong oo da maham u leh ya ki Khasi kiwa sah cha baar ka Meghalaya, kamtæ ka seiñ da ong ko wa ya kam uni u bru toh u kem wei wow pynchitom ya oo katkam ka aiñ.

Share this:
Previous

Soi soskular ka sorkar jylla wa ka Meghalaya Rural Bank, wow pynsuk ya ki paidbah

Next

Sa 3 tylli ki takma yoh ka India ha ka Tokyo Summer Paralympics