Ujor ka FKJGP-JH pyrchah ya ka Weigh Bridge ha Amsarin

Jowai: Ka seiñ FKJGP- Jaiñtia Hills ynne ka sngi da dawa ko na u DC ka West Jaiñtia Hills wow pynman da ka takit hei yatoh wa ka yung wa thaw khia kari kawa em ha Sohkha kawa tip kam ka Amsyrin Weigh Bridge kawa haap hapoh ka Amlarem Civil Sub-Division.

Ka FKJGP da ong ko wa da chem wa ha kani ka Weigh Bridge da tyngkheiñ ko ya ka hukum ka Supreme Court neibhah ha kani ka Weigh Bridge da pyllait ya ki truck wa kit palat pood u lai ki khlem pynhiar ya ki mar wa kit tam ki. Da em ki truck wa kit hadooh 34 Tonne.

Ka seiñ da ong ko leh wa ya ka kuna wa daiñ ya ki truck wa kit palat pood ym em wa booh jingkheiñ ya ka poisa wei da lai ko cha kata ki bru wa pait ya kani ka Weigh Bridge.

Ini toh da man i i dooh nong wa joor bha ya ka sorkar kamtæ emkaam ka sorkar u leh ko yeiwa emkaam hei yatoh wa ini.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Neiliang ka seiñ da ong ko wa u elaad chwa ya u DC kam u khlieh ka district yow pynman ya ka takit wei lada ym mih soh mih sla ka takit, ka seiñ da biang lut ko ya ki sabut wow rah ya kani ka Weigh Bridge cha ki yung bichaar.

Kani toh katkam ka khubor na u T. Lytep, President ka seiñ.

Also Read: Ujor ka KJNU pyrchah ya ka Amlarin Weigh Bridge ha Jowai PS