Ka seiñ FKJGP – Khliehriat Circle da ujor ko cha ki pulit ka East Jaiñtia Hills wa em ka truck wa em u No. AS 11 DC 6599 kawa kit ya u kwai raw namo Burma Supari wei ha ki Check Point da pynyoo ko da ka challan khoo.
Ka seiñ da ong ko wa kani ka kari da kit ko ya u kwai raw wei da tymmoh won da ki churia khoo.
Da ong ko wa da yoh yutip ko wa ya kani ka truck da ksoh da ki pulit da ka Khliehriat Police Station tangwa manda lai kylli na ka thanat, u In-charge yong ka ymtip u iwon iwon hajrong ini.
Hajrong ini ka seiñ da kyntu ko ya ki bor ka aiñ wow pynchitom ya kiwa emkti ha ini i kit tooh ya uni u kwai raw.
