Ka seiñ Hynniewtrep Achik National Movement (HANM)-Narpuh Circle ha ka 10 tarik uni u bnai da lai yachem ko wa u District Transport Officer (DTO) ka East Jaiñtia Hills District yow e dei thoh kam wow ujor pyrchah ya ki Truck wym em Number Plate.
Ka seiñ da ong ko wa kamwa man kattæ ha ki thaaiñ Narpuh, ki kari heh kam ki Truck Dumper ym jooh em Number Plate ki nadien tangwa em ki du nakhmat donhi wei em leh ki wym em nakhmat.
Kamtæ ka seiñ da ong ko wa ini da booh ko hei maa bha lada kini ki kari jia ya tyrrah ki neibhah daw jinjar wow kem ya ki neidaw wym em ki ya u Registration Number katkam ka aiñ Motors Vehicle Act.
Neiliang u DTO da ong u wa daw lai pait lai sylli ki ya waroh ki kari nadooh ki kari khian hadooh ki kari heh ha ki sngi wow wan.
Ka seiñ da kyrmen ko wa daw leh smat yeini, pynkut ka kyrwoh na u S. Pala, Publicity Secretary ka HANM-Narpuh Circle.
Discussion about this post