Ujor ka HNYF ya uwa kam ya idæ kam u dkhot ka JSU uwa khayi masi wei dat pynmynsoo ya ki dkhot ka seiñ

Ka HNYF-Eastern Region ynne da ujor FIR ko ha Ummulong Beathouse wa ha hei miet ka 17 tarik katwa dang lai luti na Ummulong cha Mookyndur heipor kamwa 11:30 i miet da yoo ki ya ki kattu katni ki kari wa khayi masi pyrchah yaka aiñ wei da lai ki wow pyrchang yaklam wa kini.

Ha ini i por da mih uwi u khynroo wa tip pyrtuid kam u E. Sutnga uwa da kam ya idæ kam uwi na ki dkhot ka JSU wei da kam u leh wa kini ki mar toh ki yong oo wei manda yoo u ya ki dkhot ka HNYF, da wan yah u ya ki bru yong oo deiwa em i thmu wa sih heiwa da dat da bom ki ya ki dkhot ka seiñ wei da lute leh yaka poisa kawa em kamwa Rs. 15,000.

Ha ka FIR da ong leh wa hadien wa tih chaphang uni u bru da tip wa man u uwi na kiwa pynlai masi pyrchah yaka aiñ cha Bangladesh wei kam ka seiñ neipor cheipor da jooh thoh ko cha sorkar pyrdi pyrchah ya kam kini ki kaam.

Da ong leh wym ye u pdiang ya kam kini ki kaam khayi tooh wei da dawa ya ki bor ka aiñ wow leh iyi iyi ya uni u bru uwa da maham pynyap wei jrong kti wei da pynmynsoo u leh ya ki dkhot ka seiñ.

Related posts

Da ka yung ah doh wei dukan dai doh katkam ka juk wa katni wa nyngkong dooh ha Jaiñtia Hills wai uwi u manpa

December 18, 2025

Dei sñiawsih kthang yaam uwa chong chnong yei wan ka Shree Cement deiwa ong kamwa booh ha klongsnaam

December 18, 2025

Neiliang u T. Shylla uwa man kam u EC Member ka HNYF-ER da beiñ u ya kam kini ki bru kiwa da chim kabu yei pyrtuid ka jaitbru wow kamai spah wei deiwa pynemkaam da i pyrtuid ki seiñbhalang.