Ka Hynniewtrep Youths’ Council (HYC) War Jaiñtia Circle da ujor ko pyrchah yaka Riwar Jaintia College kawa em ha Amlarem West Jaiñtia Hills hadien wa da yoh ujor naki khynnah Class-12 yong katai ka College wa uwa sikai Economics da hikai u yaki daka Syllabus warim iwa da pynkhyrngait yaki manda thoh ki yaka Exam HSSLC heiwa ki thup kylli ym yahap ko wa iwa da pynkhreh wei da chah sikai ki.
Hajrong ini, katai ka College leh da pdiang ko yei bakla kamtæ da kular ko wow yarap yaki khynnah deiwa thoh cha ka MBOSE wei kamjooh leh cha ka Sub-Divisional Officer Civil Amlarem tangwa ka seiñ da ong ko wa ini ym toh iwa poi cheiwon cheiwon neibhah kiwa pynlai yaka College da phah soi pathan ki yaki khynnah iwa ong wa ym toh i bakla ka College wei toh i swe yong ki khynnah.
Haka 19 tarik uni u bnai neiliang ka seiñ da ujor ko cha ka MBOSE hajrong ini i leh thurmur ka Riwar Jaintia College. Haka 15 won deilang wa kiwa puræ kani ka College da lai yachem waka Sub-Divisional Officer Civil Amlarem wow pynche yei phah soi ka College ya kitai ki khynnah.
Neiliang ki khynnah da kyntu ki leh yaka SDO wow lai bait chakhmat yow ki yei hok.