Jowai: Ka seiñ Hynniewtrep Youth Council (HYC) East Jaiñtia Circle (EJC) ynne ka sngi da ujor ko ha u DC ka East Jaiñtia Hills District wow pyrchah joor ya i leh habra leh jakhlia ki hotel kiwa em ha Ladrymbai, Datsimpein (hajan ka Petrol Pump).
Da pynbaad wa kini ki Hotel da brait khlemakor ki ya i jhep wa ki paikhana leh da pyllait wow tooid ki cha ki wah neibhah wa ym em chna ki ya ki Septic Tank wow pynlang ya i jakhlia.
“Kini ki jakhlia wa mih na kini ki Hotel tooid ki sak cha ka Wah Kyrhuhkhla ka wah wa ki bru jooh pynemkaam ki wow sum u sait,” da ong ka seiñ.
Chooh chooh da ong ka seiñ wa ini i leh kini ki Hotel da pynjakhlia ko ya ka um wei daw ktah ko leh ya i chait i khiah ki paidbah ka chnong.
Hadien ini i yachem neiliang u DC da kular u wow chimkhia hajrong ini neibynta i khooid i jngiar wa i chait i khiah ki paidbah.
Discussion about this post