Ujor ka HYC War Jaiñtia wa ku dor palat ki marbaam

Jowai: Ka Hynniewtrep Youth Council War Jaiñtia Circle hadien wa ood ki paidpah ka thaaiñ neidaw wa ku dor palat pood ki marbaam mardih, kamtæ ka seiñ da ujor pyrchah ko cha ka sorkar MDA ya kiwa pynku dor marbaam mardih neibhah ktah ko ya kiwa dooh wa duk.

Hei ujor yong ka da phah haroh wow takit bniah yow chem yei daw tynre naki Stock wa mih ki marbaam khnang wa kitu kiwa nood u chimkabu hakam kani ka por u ngat ki hei pynsaja wa khor da ki bor ka aiñ.

Ynne ka sngi leh ka Hynniewtrep Youth Council Amlarem Unit hapoh i yahkhmat u President u Dilast Shylla, u Vice President u Monlang Nyalang da lai ujor ki cha u DC ka West Jaiñtia Hills yow leh yeiwa emkaam katkam ki kyndon aiñ.

Ka seiñ kyntu joor ko yaki bor wa toh u pait wow hukum yaki dukan wow thoh yei dor marbaam mardih wa kiwi ki dor tiar haphrang dukan wei u e leh ki Cash Memo ya ki paidpah wa thied. Wei lada ki tre dukan ym ye ki u e Cash Memo ka seiñ dawa joor ko naka sorkar jylla wa toh u khang yaki dukan wym kohnguh yaka aiñ yow man i sneiñ ya kiwi tawan.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiwi won i liang, ka HYC Amlarem Unit hapoh i yahkhmat u General Secretary ka Amlarem Unit uwa man leh u Sport Secretary ka Circle u Bonanza, deilang ki dkhot ka seiñ, ynne ka sngi da chim ko kawi ka bynta wow yakhun pyrchah yaka khlam COVID-19 deiwa siat dawai ha kylleiñ ki bynta ka chnong Amlarem.