Hadien wa boon sngi kiwa chong chnong ka Nartiang Pohshnong da ya soi pyrtuid ki haka chithi wa da phah cha ka BDO Thadlaskeiñ Block, wa ki paidbah ka thaaiñ da chah chim ka poisa yong ki deibor hadien wa sai ki naka Account yong ki da u Secretary ka VEC katai ka chnong. Da kam leh wa wot ki tre chnong leh ym tip ki ya ki thaw wa kreh ki tangwa neiliang yong oo da paan u yei bhah na ki khlem da e daw.
Hadien wa da ujor ki paidbah ka thaaiñ, neiliang ka seiñ JSM Nartiang Circle da chimkhia ko ya ini wow ujor ya utai u Secretary VEC ka kreh 100 sngi katai ka chnong ha ka BDO Thadlaskeiñ yow pynbait næ wow pynchitom ya utai u bru.
Ka seiñ da ujor ko haka BDO Thadlaskeiñ haka 31-08-2020 wei hadooh katni ym pu em leh ko iyi iyi leh wei neiliang ka seiñ da ong ko wa lada ym leh iyi iyi ya utai u Secretary ym banse wow e da kiwi ki ujor cha kiwa haneiñ pyrchah ya utai u bru.
