Jowai: Ynne ka sngi, ka seiñ JSU da ujor ko ha u DC ka West Jaiñtia Hills pyrchah ya uwi u bru uwa ka seiñ kam ko toh u baar jylla tangwa da pynemkaam u yei kur yong Rymbai.
Ka seiñ da ong ko wa uni u bru toh u Raja Sharma Rymbai wei ka bei wa u pa yong oo toh ki Bengali wei hadien wa khlaad ka bei tre u, u pa yong oo da yoh kurim u da ka Pnar (yong Rymbai) wei da pynemkaam noh u sa i kur Rymbai.
Chooh chooh ka seiñ da ong ko wa uni u bru da chim u ya ka ST Certificate wei da chimkabu u ya ki myntoi wa yoh ki jaitbru ri-loom kam ki Scholarship wa kiwi kiwi.
Ka seiñ da ong ko wa uni u bru da yoh Scholarship u wow lai puræ ha University of Gastronomic Science, Pollenzo, Italy wei deiwa chimkabu yei man Schedule Tribe u, da man dkhot u ha ka seiñ Slowfood International kawa da thung leh ya oo wow man kam u dkhot ka Advisory Committee ha kani ka seiñ.
Ha ka ujor, ka seiñ da kylli ko wa kammon u baar jylla, u wymtoh u Pnar (Jaiñtia) u ye u wow e buit ya kani ka seiñ ha kani ka Committee katwa kamtæ da dawa ko wow pyndam wei wow pynchitom noh ya uni u bru.
U President ka JSU, u L. War da ong u wa hadien i yachem neiliang u DC ka District da kular u wow chimkhia yeini hapoh ar le tayaw neibhah wei daw leh yeiwa emkaam hadien itæ.
Discussion about this post