Ujor ka JSU pyrchah yei rukom pynmih Result ka sorkar ya kiwa yaleh kreh Nurse

Ka JSU da ujor ko cha ka Montri ka chnat i chait i khiah, ka Ampareen Lyngdoh wow pynche hajrong ka Result wa mih ha ka 27 tarik uni u bnai hapoh ka website www.meghealth.gov.in neibynta kiwa yaleh kreh kam ki Staff Nurse wa ANM.

Ka seiñ da ong ko wa kani ka Result ym em man ko kawa che wei ym chaniah neibhah wa da pynmih du da ki Roll Number wei ka DHS toh u pynche ko yei rukom pynmih Result iwa da pynartatien ya waroh kiwa yaleh ya kini ki kreh Nurse neibhah da kwah wa ini waroh toh u man iwa khooid wa suba.

Ka seiñ da ong ko wa ya ka Result toh u pynmih deilang wa ki Marks kiwa yaleh Exam ymtoh wow pynmih tangdep du da ki Roll Number neibhah pynartatien ko ya ka seiñ boi em iwon iwon cha lyndet. 

Chooh chooh da chem leh wa da em ki jooh ki Roll Number kiwa da mih boonsien ha kani ka Result wei ya kam kini waroh hap wow pynbait.

Related posts

Punkhon kawa dang 15 snem hadien wa chah slaitbor ha u pa nah

July 8, 2025

Bien hi u Kyrmen Shylla wow hiar chuki lada kwah ka Party wow e laad ya uwi won u MLA

July 8, 2025

Kamtæ da dawa na ka sorkar lyngba ka Montri wow tuklar chisiendon wei wow pynmih da ki Marks khnang wow che lang waroh.