Ki bor pynlai District ha Ri-Bhoi ynne ka sngi da hiar ki cha ka Umroi Airport yow khanglaad ya u Jagadguru Shankaracharya deilang wa ki bru u kiwa da thmu wow pynman ya ka Gau Dhwaj Sthapna Bharat Yatra hapoh Meghalaya.
Ynne i step neiliang kiwa yahkhmat ka Khasi Students’ Union, da hiar ki cha kani ka thaw hiar lieñsuiñ yow pyrchah ya ini i thmu yong kini ki paaid u Jagadguru, wei neiliang u General Secretary ka KSU da yoh u wow yaklam wa ki bor pynlai District kiwa da pynthikna wym e laad ki ya u Jagadguru wow mih u napoh ka Airport lada wan u.
Neiliang ka sorkar jylla ynnin ka sngi da pynbna ko wym e laad ko ya kani ka seiñ yada masi wow hiar ha Airport næ wow wan ki na sarok, tangwa da yoh khubor wa kini ki bru u Jagadguru da em ki ha Guwahati Airport yow wan bait cha Shillong heipor 12:00 waje i sngi.
Neiliang u sahep ka Airport ha Umroi da klam che u wa ka sorkar ym e laad ko ya u Jagadguru wow mih napoh ka Airport lada wan u kamwa da thmu, wei ym em pyrtuid u ha kiwon kiwon ki lieñsuiñ wa mut wow wan cha Meghalaya heiwa da ong u wa ki bor District daw yang bait ki ya ki lieñsuiñ kat hadooh wa kut i wan ki lieñsuiñ ynne ka sngi.
Discussion about this post