Jowai: Ka Khasi Students’ Union War Jaintia Circle ha ka 4 tarik uni u bnai hapoh i yahkhmat u President u Laitphar Syngkrem, u General Secretary u Lurman B. Talang wa u Finance Secretary u Kindly Khyriem da lai yachem ki yaka Sub-Divisional Officer ka Amlarem ka J.U. Kharpuri wow pynkhor ya ka Weighbridge kawa em ha Sohkha wym toh u chah ya ki Truck wa kit palat ya ka 9 metric ton lada toh u moochuni næ u mooyong.
Ka seiñ da ong ko wa ha kini ki sngi wa da dep i laitlan yong ki truck wow kit palatpood da booh ko hei maa ya i lai i wan ki paidbah wa i sih u sarok nadooh Sohkha chadooh cha Tamabil wei da man ko kawa joor chooh chooh wei hajrong kani ka yurim da ong yaka SDO wa lada yohlaad biang wow leh kamni, ka seiñ ym yohsa ko hadooh wow khang ya katai ka Weighbridge. Neiliang ka SDO da ong ko wa daw pyneh bha ko neini chakhmat.
Ka seiñ leh da ujor ko wa waroh ki Truck kiwa em 14 chaka kiwa hiar cha Tamabil wa toh u sangeh wei wow booh rood noh ha Amlarem neidaw wa lada ki yohlaad ki wow hiar, i sahkut ki kari wa khian leh em ko wei da pynthut ko ya i lai i wan ki paidbah.
Ka seiñ da ong chooh chooh ko wa ym yoo tipsap de ya i rukom khayi pateiñ ha ka thaaiñ yong ki waroh heiwa waroh ya khyrniom lut ki nalor wa ka surok man ko kawa khynnia wei da wanrah sa ki Truck kiwa na baar kiwa heh wa jrong deiwa ym pyrkhat de yei lai i wan ki paidbah kiwa kjut wa chitom, neiliang ka SDO da ong ko wa daw chimkhia ya ini wei daw phah ya waroh ki Truck 14 chaka wow sangeh noh ha Amlarem wei ym chah ya ki wow hiar cha Tamabil.
Ka seiñ da yaklam ko leh waka SDO heiyatoh wa ki Truck ki baar jylla kiwa da sdang mih pyrthai biang hadien wa ka seiñ da dep khang ko ya ki wei hadien i yaklam waka SDO da ong ko wa daw phah noh da ki bor pulit wow lai khynra ya kini ki Truck baar jylla.
Ini toh katkam ka kyrwoh na u General Secretary ka seiñ u Lurman B. Talang.
Also Read: Kular kiwa khayi moo ka thaaiñ War Jaiñtia wow pyndam noh u pynemkaam ya ki truck ki baar jylla
Discussion about this post