Ujor ka manbei pyrchah ya u kurim wa slaitbor u ya ka khon nah u

Jowai: Ka wi ka manbei da ujor ko pyrchah ko ya u kurim yong ka hi wa slaitbor u ka khon ko la ar sien.

Katkam ka ujor da ong wa uni u bru wa sah ha Shangpung toh u pa nah kani ka khynnah wei da sdang u wow jrong kti yei bynta man kynthai ka khon ko nadooh wa dang 11 snem ko wei katni da em ko la 17 snem i rta.

Ha u Naitung (April) 2016 wa ha u Duyatra (January) 2017 da wan syndet u cha yung heipor wa ym em bru wei da slaitbor u ya ka khon ko heipor wa dang khreh kot ko ha kamra yong ka.

Da pyntip leh wa da chem ya ki SMS ha ka mobile ka khon ko heiwa da maham tynyap u leh ya ka khon ko hadooh wow rahbor ya ka.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ka ujor ha ki pulit da booh ha ka 10 tarik uni u bnai wei ka manbei da ong ko wa ka khon ko da nood ko u khana yeini ha ka 9 tarik uni u bnai neidaw wa joor i tieñ ko ya u pa nah ko kamtæ da slem noh u booh ya ka ujor.

Ya kani ka jooh ka ujor da li booh leh ha Child Welfare Committee, Jowai West Jaiñtia Hills District ha ka 11 tarik uni u bnai.

Hei yatoh wa ini ka FKJGP Laskein Circle da beiñ joor ko ya ki pulit wa hadooh katni ympu em kem ki ya uni u bru wei da dawa leh wow booh ya ki tnat ki pulit kynthai ha waroh ki district hapoh ka jylla yow ye u yaleh pyrchah yei chah thombor ya ki khynnah kynthai hapoh ka jylla.