15 49.0138 8.38624 1 0 4000 1 https://wyrta.com 300 0

Pteiñ i chah thok ki bru ha ki lok Facebook, ha kani ka kynti hadooh T. 2.40 lak

0 Comments
Advertisement ad1

Jowai: Dei langær ki bru chah pynbiej wei chah thok ki ha ki bru wa pynyatohlok wa ki lyngba ka Facebook wa WhatsApp wei neiliang ki bor pulit leh dei langær e wyrta ki wow man iwa husiar hawa yachem ya ki bru na ki Social Media.

Ha kanika kynti won katkam ka yutip wa da yoh na ki pulit da ong wa kawi ka bru da ujor ko wa u lok Facebook yong ka da pyntip u lyngba ka Whatsapp yong ka wa da em i tiar wa phah u cha ka.

Hadien ini kawi ka bru wa kam toh kawa kreh ha ki Life Insurance Company, Delhi, da ong ko wa emkaam ko (kawa ujor) wa emkaam ko u su dan khnang wow yoh ko ya kini ki mar.

Kamtæ kani ka bru wa chah thok da su ko T. 26,000 ha ka 8 tarik uni u bnai, T. 42,000 ha ka 9 tarik, T. 94,000 ha ka 10 tarik wa T. 78,750 ha ka 14 tarik.

Ya kani ka poisa da thap ha ka PNB Ladthalaboh Branch ha ki account yong kini ki bru (1) Zothanpuii Sailo wa (2) Johke Bagra.

Hadien ini da phah thap biang ki ya ka sa T. 1,15,000 wa T. 46,000 yeiwa da leh ko kamwa phah ki.

Hadien ini da chem ko wa da chah thok ko iwa mut da chah thok ko hadooh kamwa T. 2,40,750.

0 Comments

Leave a Reply