Ka Meghalaya Linguistic Minority Development Forum (MLMDF) da lai ujor ko ha Meghalaya High Court wow pynmih ya ka hukum wow khoom u kdoh yei chah tympiah tympra khamtam hawa em Rally ha Shillong.
Da e dorkhat ko ha ka Chief Justice ka Meghalaya High Court, wow pynmih hukum wow booh kyndon hawa lai Rally, wow pynchitom ya kiwa pynawri yow lait u mih i awri ha ki por wow wan.
Ka MLMDF da kyntu ko leh wow khang yei tymmoh khmat ki bru, wow kem ya ki kari khlem Number Plate chwa wow psiah ki ha ki luti wa em Rally kamjooh wow pynemkaam Drone wow pait yei yakhih.
Da kyntu leh wow takit yei tlot ki pulit ha ini i mih awri awra.
Chooh chooh ka MLMDF da ong ko wa i yakhih wa jai jai toh i hok tangwa ymtoh u kylla i cha ki kaam pynawri iwa ktah yei chngaaiñ ki paidbah.
Da e dorkhat leh ha u DC ka East Khasi Hills wow kyntu wymtoh u chah u lai Rally na ki thaw wa em boon ki jaitbru wa chong wa sah.
Heijooh i por ka MLMDF da e dorkhat ko leh ha u lat ka jylla, u Chandrashekhar H. Vijayashankar, u Chief Minister, u Conrad K Sangma heiyatoh wa i chah tympra ki mot u Netaji Subhas Chandra Bose wa u Swami Vivekananda ha R.R. Colony wei wow chna biang ya ki.
Discussion about this post