Jowai: Ka North East Indigenous People Federation (NEIPF) Narpuh Youth Wing ynne ka sngi da ujor ko pyrchah ya kiwa kreh kamjooh ki Contractor ki karkhana pynmih khyndawbilat kiwa em hapoh East Jaiñtia Hills District ha u Deputy Commissioner ka East Jaiñtia Hills District.
Katkam i ong ka Narpuh Youth Wing ha ka ujor yong ka, da kam ko wa boon ki Contractor, kiwa kreh hadooh kiwa mylla toh ki wym em kot em sla kam ki Labour License, ki Work Permit wa kiwi kiwi.
Yow pait yeini i wan psiah ki baarjylla, ka sorkar da booh ko ki tnat sorkar kam ka Labour Department wei kani ka tnat ym em leh ko iyi iyi leh, wei neini i daw kiwa kreh hapoh ki karkhana da kreh ki khlem kot khlem sla iwa man leh pyrchah ya ka aiñ.
Neiliang ka seiñ da epor ko chi bnai ya kiwa kreh yow pynbiang ki ya ki kot ki sla wei lada ym leh ki yeini daw pynchitom ko ya ki wei da kyntu leh ya u DC wow chimkhia u ya ini i kaam.
Discussion about this post