June 19, 2017

Wei kmen wei sñiawsih lehwarom ka SGH yei dap 25 snem ka District

by Wyrta Staff

0 Comments

Advertisement ad1

Baghmara: I lehkmen yei dap 25 snem ka South Garo Hills District da pynkut ya ka ynne ka sngi da ka yalehkmen wa pynman ha Baghmara Sports Complex, heiwa da em leh ki pynyoo rong ya ka dustur riti, ki rwai ki chaad tynre wa i pynyoo yeiwa lai luti ka district ha kini ki 25 snem.

Nachwa ka South Garo Hills District da tip ya ka kam ka Baghmara Civil Sub-Division wei da pynku ya ka cha ka district ha ka 18.06.1992 wei i lehkmen da sdang ko nadooh ka 16 tarik uni u bnai.

Advertisement ad1

Advertisement ad1

Ha kani ka sngi da emlang ki MLA kam u Samuel M. Sangma, u Rophul S. Marak, ka Bluebell R. Sangma, u Chairman ka Baghmara Municipal Board u Surosh R. Marak wa kiwi ki wa da khut burom wa wan na kylleiñ ka District.

U Samuel M. Sangma, hei klam yong oo da ong u wa da boon ki kaam pynroi wa wanrah hapoh ka district nadooh wa pynmih ya ka tangwa kattæ leh sñiawsih u yoo yei joor wa sih u sarok NH-62 u sarok wa man kam u budloom kani ka District iwa da wanrah yei chitom wa harukom ya ki paidbah. Da kyrkmen wa i pyllait poisa ka sorkar yow chna sarok lyngba ka JICA daw yoh u pynchna ya uni u sarok wei daw poi leh ka roi ka par cha waroh ki khap ki chmiang kani ka district.

U Rophul S. Marak leh da ong u kamjooh, wa kani ka District sahdien ko ha waroh ki liang wat hadien wa da em ko la 25 snem wei da khutlang u ya waroh wow yakrehlang yow pynku ya kani ka District.

Ka DC ka South Garo Hills ka Shella N. Marak da pynkynmoo wa kani ka District toh kawa khlan bha ha i khayi pateiñ wei da pynmih ko leh ya u Capt. Williamson A. Sangma, u Montri Rangbah wa nyngkong dooh ka jylla.

Ha kani ka sngi da pynkup burom leh ya ki dkhot ka District Demand Committee wa ki montri sorkar warim kam u tynde u Lotsing A. Sangma wa kiwi kiwi.