Ujor ka Pynurkba yei wan kyntoor pood ka Bataw chapoh ka khloo chnong

Ka Dorbar Chnong Pynurkba da lai ujor ko ha Ladrymbai Police Outpost hajrong i wan kyntoor pood ka chnong Bataw deiwa kam ya ka khloo wa tip kam ka Lum Pdak Pdak wa dang haap hapoh ka chnong Pynurkba.

Ka chnong Pynurkba da ong ko wa ya kani ka khloo da pynsakhiat leh wa mantre da ka Pynurkba katkam wa da pynbna namo ka Notification wa da pynmih ha ka 06-03-2020 da ka JHADC ryngkat leh i tipmit ka Elaka Rymbai.

Da pyntip leh wa ha ka 24 tarik uni u bnai da yoo yei mih khubor wa ki bru kiwa rah da ki tiar pynmynsoo hei yahkhmat u waheh chnong ka Bataw da wan ki ha katai ka thaw yow pynthut yei mantre ka Dorbar Chnong Bataw ryngkat i maham wow ya umsnaam ya kiwa chong chnong wa em ha katai ka sngi.

Related posts

Pyndam ka High Court ya 6 tylli ki Case POCSO pyrchah ya ki chynrang hadien wa booh ki kynthai yei kyrpaad

November 8, 2026

Thoh kiwa chet-ja skur ka Meghalaya cha u CM ka Assam yow yarap yaklam wa u Modi

November 8, 2026

Da ong leh wa i daw wa leh ki yeini toh wow chimkabu ya ka Pynurkba kawa man ka chnong wa khian.

Ka chnong Pynurkba da ong ko wa da yoh ko yani ka thaw deiwa dep wan Survey ka Elaka Rymbai ya kani ka thaw wei da yoh leh ya kot ki sla yow pynoo yei mantre.