Ka Rot Association of Meghalaya (RAM) da ujor ko cha u Chairperson ka Meghalaya Human Rights Commission (MHRC) u Justice T. Vaiphei pyrchah ya kiwa chong chnong ka Mawlai Umjajew yeiwa chah lehbeiñ wei chah thombor kawi na ki kynthai wa dai yei doh i pran yong idæ iwa da jia ha u 2019.
Ka Publicity Secretary ka seiñ ka D. Mawlong ha ka ujor da kyrpaad ko ya u Chairperson wow tuklar ha ini i kaam wei wow thung leh da ka Committee yow takit ya ini iwa da pynbaad da ka seiñ wei wow leh katkam ka aiñ ya ini iwa da jia.
Chooh chooh da ong wa ini iwa da jia da pynpoor lyngba i Video ha ki Social Media ha kini ki bnai wa da dep.
Kamtæ da kyrpaad ya u Chairperson lada bien u wow jubab da ka email yow ye u yoh u yaklam hajrong ini.
Ya kani ka ujor da phah leh cha u Montri ka Social Welfare Department wa cha ka Chairperson ka Meghalaya State Commission for Women.
