15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ujor kawi cha u DC hadien wa chah kyntait chnong ko

1 Comment

Jowai: Kawi kawa chong chnong ha Lama, East Jaiñtia Hills kawa tip kam ka Thrina Suchen da ujor ko ha u DC ka EJH haka 16 tarik uni u bnai yei chim rai ka Dorbar Chnong Lama wow kyntait chnong ka du neidaw wa pyrchah ko yei noh jhep ha ka wah Lakru.

Katkam ka ujor da pyntip ko wa haka 01-10-19 ka dorbar chnong da pynbna ko wa haka 02-10-19 wa waroh kiwa chong chnong ka Lama wow pynkhooid ya ki jar jiar ki dong kam chibynta ka Swachh Bharat, wei haka sngi pynkhooid haka dong Neng Shnong kamwa 5 yung da mih ki wow pynkhooid yaka dong yong ki wei da em leh kawi ka umkor wei hajan kani ka umkor da em ka wha Lakru. Kani ka wah man ko kawa tngit palat neidaw wa kiwa chong chnong ym em kheiñkor ki ya kani ka wah deiwa noh ya ki Plastic wa ki jakhlia.

Advertisement ad1

Hadien wa dep pynkhooid ya kani ka wah da pynbaad wa da wan ar ngut wow noh Plastic wa i jakhlia haka wah wei hawa yoo ya ini da kylli kiwa dang dep pynkhooid yei daw wa leh ki ya ini heithaw wow pynkhooid wow sumaar ya kani ka wah wei heini da mih ka bei kini ki ar ngut kawa da ong wa ya i jakhlia toh u noh ha kani ka wah wei ym em hok ki wow tuklar ya ini wa noh ki.

Kamtæ hadien ini, kawa ujor cha u DC da pyntip ko cha u waheh chnong wei haka 10-10-19 heipor 08:00 waje i miet ka dorbar chnong da khut dorbar ko ya kiwa pynkhooid wei da pynsñiaw ki yeiwa jia ha katai ka sngi wei da pynyoo ki leh ya i Video ya i kulmar wa da mih wei da yieñ ki le ngut kiwa chong chnong kiwa da pyrchah joor yaka Video wa da riñ wei da phah pyndam (Delete) noh ya ini i Video iwa da kyntait kiwa riñ wow leh ya ini wei da kyrpaad kiwa pyrchah wow kyntait wei wow beh chnong noh yaka Thrina Suchen wei ka dorbar chnong leh da mynjur ki ya i kyrpaad kiwa pyrchah wei da rai wow kyntait wei wow beh chnong yaka Thrina ha kani ka dorbar. Wei heipor 9 waje i miet da beh yaka naka dorbar.

Haka 11-10-19 ha i por 07:00 waje i step da pynbna chnong wa kiwon kiwon kiwa chong chnong ym chah de wow psiah u mih cha ka yung ka Thrina Suchen. Ha kani ka sngi hi heipor janmiet heipor wa lai ko cha yung yong kawi kawa chong chnong da mih uwi u bru uwa da kylli yaka wa neiwon yoh bor ko wow psiah u mih cha ini i yung.

Kamtæ haka ujor cha u DC, ka Thrina da ong ko wa em ko hei maa nadooh wa ka dorbar chnong rai ko wow kyntait wei wow beh chnong yaka wei na ini i daw da pyntip ko cha khmat yong ka aiñ yow yoh yarap ko wei wow chimkhia ya ini i rai ka dorbar chnong.

Share this:
Previous

Yap hadooh 6-10 ngut ki chipai Pakistan ynne ka sngi: Gen. Bipin Rawat

Next

Chah tooh 96 tylli ki Mobile Tower Battery na ki ar tylli ki chnong ha WJH

1 Comment

  • October 21, 2019 at 4:10 am
    Barris M

    Kiwa pyrchah ia ka Swachh Bharat toh ki ANTI-NATIONAL, ki TERRORISTS.. 👽

    Reply

Leave a Reply