Ujor ki 8 tylli ki seiñbhalang ka EJH ha u DC pyrchah ya u Secretary ka Elaka Sutnga

Jowai: Ki 8 tylli ki seiñbhalang kiwa kreh hapoh ha East Jaiñtia Hills kawa kynthup yaka EJNC-CEC, ka HYC-EJH, ka JSM-CB, ka MPUF-EJH, ka HANM EJH, ka NEIPF-Wing EJH, ka HNYF-EZ waka JNC-CB da ujor ki cha u DC ka EJH pyrchah ya u Secretary ka Elaka Sutnga uwa da pynbaad deiwa pynmih khubor bakla u chaphang kini ki seiñ.

Da ong wa u Secretary ka Elaka Sutnga da pynmih khubor u wa ki seiñbhalang man ki kam ki moochynthut haka imlang sahlang wei ym chah wow em ki hapoh ka Elaka Sutnga, wei ini da pynbood naam ko ya ki dkhot ki seiñbhalang.

Chooh chooh ki seiñ da ong ki wa Elaka Sutnga ym chah ko wow wan yooh kjat ki dkhot ki seiñbhalang hapoh u pood u ang yong ka khlem da yoh bor chwa wei lada leh pyrchah ki daw pynchitom ya ki katkam ka aiñ, iwa pynyoo wa da chim ki yaka aiñ haka kti yong ka Elaka wei da tynkheiñ yei hok ki tre ri India wow seiñ ya kawon kawon ka seiñ wei ini i rai ka Elaka Sutnga da man ko kamwa pynsñiaw yaphær jaitbru.

Ki seiñ da ong ko leh wa u Secretary ka Elaka Sutnga da maham u ya waroh ki waheh chong hapoh ka Elaka wow psiah ki cha kiwon kiwon ki seiñ wei lada leh ki ya ini daw chah pyndam ki na i kaam wa ksoh ki, iwa man leh pyrchah yaka aiñ ka District Council kawa du ka donhi wa ye u leh ya ini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong leh wa ini i pynbaad yaki seiñ wa i maham ya ki paidbah ka Elaka da yooh ko ya i hok manbru namo ki Fundamental Rights wei toh u pynchitom ya uni u Secretary ka Elaka Sutnga.

Ki seiñ leh hun ki lada u DC khut u ya uni u bru cha ka miej yow yaklam chaphang kani ka kaam.