Jowai: Katkam wa pyntip ki pulit, ha ka sngi thap Vote yaleh Election MDC 2019, u Piwell Shylla, u kyrtong samen ka 22-Musniang Rngad Constituency (JHADC) da ujor u wa da chah dat u.
Ini da jia i heipor 11:30 i step kani ka sngi heipor wa dang lai u cha Musniang Polling Station (EJH), heiwa u Waheh Chnong ka Musniang, EJH u Nongtei Siangshai, u Seison Dkhar wa kiwi na kani ka chnong da dat ki oo.
Ha ka 26 tarik won u Rising Shylla, u Stanly Shylla wa u Archilus Shylla da ujor lang ki wa heipor 10 waje i miet kani ka sngi 8 ngut ki bru wa kynthup ya u (1) u Dapmain Shylla, (2) u Ravi Nongtdu, (3) u Will Shylla, (4) u Arki Sympli, (5) u Brito Pala, (6) u Rima Nongtdu, (7) u Laski Lapasam wa u (8) Amus Nongtdu da dat ki ya kini ki le ngut wa ujor heipor wa dang liwan yung ki hajan Sacred Heart School, Byndihati (EJH).
Da maham ki leh ya ki lada pyrchang ki wow thap Vote ha Byndihati Polling Station haka 27-02-2019.
Discussion about this post