15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ujor wei beiñ ka MDC ya uwa thoh khlemakor ha Social Media

0 Comments

Shillong: Ka MDC na Unsning kawa man leh ka Executive Member ka KHADC, ka Macdalyne Sawkmie Mawlong da ujor noh ko ha ka yung krehkaam ka Superintendent of Police ka East Khasi Hills District hajrong kyntien wa thoh khlemakor pyrchah ya ka ha Social Media.

Ha ka FIR, ka MDC da kyntu ko ya ki pulit wow chimkhia wei wow kem noh ya kiwa emkti wow daisarom wei wow thoh khlemakor neibhah yong ka ha Social Media ‘Facebook’ na ka link wa da saam (share) ya ka khubor wa da pynmih da ka t7 ha ki kajiak sngi wa dadep.

Advertisement ad1

Neiliang ka Macdalyne da beiñ ko ya ki bru khlemakor kiwa da pynbaad da ki ktien ki wym yahaap wei kiwa ktah ya rynyieñ ka manbei.

Da ong ko wa kam ka manbei kawa man leh kawa mihkhmat paidbah da beiñ ko ya ini i rukom thoh iwa ktah yei rynyieñ ka manbei wei lada elaad kamni daw jia i wot ha kiwi ki manbei ki wymtoh kiwa mihkhmat.

Kani ka ujor ka MDC toh wow khang ya ki bru chim kabu wow yooh ki yei hok rynyieñ ki manbei.

Ha iwi i liang u MLA ka Umsning uwa man leh u diah ka MDC, u Jason Sawkmie Mawlong leh da beiñ u ya ki bru wa pynbaad khlem akor kamni.

Da ong u wa lada kwah ki wow pynbaad toh u leh hajrong i tam i duna yong ki kaam yong ki kam kiwa mihkhmat ym wow pynbaad yei man rynyieñ samen kiwon kiwon khamtam ka manbei.

Previous
Next

0 Comments

Leave a Reply