I chalan ya u saru na India cha baar ri da poi i USD 816.31 Million ha ki 10 bnai nadooh u April-January 2021-22 iwa da tam ya USD 634.85 Million ha u snem 2020-21.
Ini da ku i leh na USD 142.8 Million wa da yoh ha u 2019-20, iwa da man leh wa da ku da 6 chah, iwa dapoi USD 1593.73 ha ki 3 snem wa da dep hanla em leh i pynthut ka khlam COVID-19.
U saru na India uwa boon toh lai u cha Bangladesh wa Nepal. Ka Bangladesh da thied ko u saru wa chong dor USD 345.5 Million (April-January) katwa ka Nepal da thied ko USD 132.16 Million ha ini i jooh i por.
Neiliang ka Ministry of Commerce & Industry da pyrchang ko wow thooh da kiwi de ki yaw wa thymme heiwa ka ri Vietnam da man ko leh kam kawi na ki ri wa khlan u chim ya u saru heiwa da thied ko USD 244.24 Million ha ki 10 bnai (April-January 2021-22). Kiwi de ki ri wa da sdang wow thied ya u saru ka India toh ka Malaysia, Myanmar, Sri Lanka, Bhutan, Taiwan, Oman wa kiwi de.
Ya u saru da tip leh kam “Queen of Cereals”, da man u kam ka laad wa ye u pynku yei yoh nong ka sorkar lyngba ka Dollar wei da booh ya oo leh hapoh ki mar chalan wa pait da ka Agricultural and Processed Food Products Export Development Authority (APEDA).
U saru da man u uwa khlan dooh u pynmih ha India ha ka jylla Karnataka, Madhya Pradesh, Kerala, Bihar, Tamil Nadu, Telangana, Maharashtra wa Andhra Pradesh.
I chalan saru ka India ha ki 3 snem
Unit: USD Million
| Product | 2019-20 | 2020-21 | 2021-22 (April-Jan) |
| Maize | 142.8 | 634.85 | 816.31 |
