March 20, 2022
Advertisement
Ka Khasi Students Union Jowai Unit da pynhaap pyrda noh ko ya ka Tiger 8 One Day Knockout Football Tournament kawa da pynman ha ka 18 tarik uni u bnai.
Ya kani ka lympung yalehbol wa chi sngi da rah da ka Mookyrdup FC deiwa jop ko ya ka Young Boy’s United FC da ka yachut Penalty.
Ha kani ka sngi da emlang leh kiwa yahkhmat ka KSU West Jaiñtia Hills District Unit wa ka Jowai Circle wa kynthup ya u Laitphar Syngkrem, President WJHD Unit, u Shanbor War, Vice President WJHD Unit, u Leningrad Tariang, General Secretary WJHD Unit, u Phrangki Papang, Finance secretary WJHD Unit wa u Platinin Mukhim, Sports Secretary. Naka Jowai Circle da em u Ioanis Suchiang uwa man kam u President.
Hawa e yei klam, u Ioanis Suchiang wa u Laitphar Syngkrem waroh ar da pynkynmoo ki ya kiwa yalehke wa ka yalehke Sports leh man ko kawa emkaam kawa ye leh u man kam ka pliang-ja kamtæ emkaam wow pynemkaam hok ya ka.
Deiwa ban joor leh wa kiwa yalehke ym toh wow chah æiñ ki ha ki jait dih pynmuaid lane ki jait dih wa boon jait neibhah wa ktah ko yei chait i khiah wot ya ka akor ka burom leh.
