Ynne ka sngi u SP ka East Khasi Hills, u S. Nongtnger da pyntip u wa heiyatoh wa i pdung Bomb ha Police Bazar ynnin heipor kamwa 6:39 i janmiet da yoh rah ya uwi u bru heiyatoh wa ini i kaam. Wei ha ini i pdung da chah ktah i chram ki dukan, ki yit wa ki Signboard ki dukan wa em ha ka Center Point Building.
U Nongtnger da pyntip u wa du hadien kattu katni kynta wa takit yeini da yoh wow lai kem uwi u bru wei hawa takit chooh chooh ya oo da phla u wa emkti u ha ini i kaam wei khana u wa toh oo toh u Area Commander ka Shillong Region ka seiñ HNLC.
Uni u bru da yah u leh ya ki pulit cha i yung kiwa emyatoh u ha Nongthymmai heiwa da chem ya uwi u Bomb Crude IED ya uwa da ye leh wow tynyap noh ya uni u Bomb da ki pulit deiwa emlang kiwa sakhi.
Heiyatoh wa ini da Register ya ka Case ha Sadar Police Station wei i takit dang man iwa lai chaphrang.
