Uwa e ktien ka BJP Meghalaya, u Mariahom Kharkrang da pynsñiaw u yei wym em sñiawsuk yei em uwi u bru uwa da klam beiñ ya ka Bible iwa da jia hapoh ka jylla Meghalaya.
Da ong u wa uni toh uwa tip kam u Sanjay Sharma uwa jooh man kam u Vice-President ka BJP 18 West Mandal Shillong tangwa da ieh noh u yei kaam ha ka 08-05-26 deiwa e daw wa hap u wow pait yei chait i khiah u.
U Mariahom da ong u wa kam ka BJP ngait wei yalap ko wow burom ya waroh ki niam kamjooh para bru wei yeini da pynyoo leh da u Prime Minister ka ri uwa lai chimbynta ha ka Mass Christmas.
Tangwa iwa leh u Sanjay Sharma toh i rukom pyrkhat wa sih wei iwa da ktah leh yeiwa pynyooluti da u Prime Minister.
Da ong wa kam kini ki bru kiwa khim i rukom pyrkhat ym em thaw ki hapoh ka BJP.
“I klam beiñ ya ka Bible toh i kaam wa sih bha kamwa leh pynsih leh ya u mot u Swami Vivekananda, wei ka BJP Meghalaya da kyntu ko ya ki bor ka aiñ wow pynchitom ya kini katkam ki kyndon ka aiñ,” da ong uwa e ktien ka seiñ.
Da ban joor leh wa u Sanjay Sharma ym em de ksoh kaam u hapoh ka BJP Meghalaya wei dang takit lada dang man u kam u dkhot wei lada dang man u kam u dkhot daw pynchimtom ya oo.
Uni u bru toh uwa sah ha Sunny Hill Shillong.
Discussion about this post