Ka yakob kylli-pyllah wow man kam kiwa chong klur namo ka Kaun Banega Crorepati toh kawi na ki yakob lyngba ka TV ha India kawa da rim dooh kawa da kynjoh 25 snem ha uni u 2025.
Kani ka yakob toh kawa emkti u Amitabh Bachchan kam uwa pynlai namo u Host ko ha kini ki arphaw-san snem heiwa da em kattu katni ngut donhi kiwa da kamai ya ka chi klur.
Kam wow kdaw heini, uwa nyngkong dooh wow jop ya kani ka song poisa wa Rs. 1 klur toh u Harshvardhan Nawathe heiwa da jop u ya kani ka poisa ha u snem 2000 hei rta wa 27 snem.
Hadien 25 snem
U Harshvardhan katni da man u kam u CEO ka JSW Foundation wa pait ya ka Social Development ka JSW Group, heiyatoh ki kaam bhalang kani ka Company ha India wei chwa ini da man u leh kam u Chief Operating Officer ka JSW Foundation nadooh u May 2023.
Chwa wow kreh u wa ka JSW Foundation, da pait u ya ka CSR ka NatWest Group kam u Director and Head of Sustainable Banking Performance, Frameworks, Giving and Governance.
Hapoh ka Welspun Group da man u kam u Vice President – Group CSR and Chief Operating Officer ka Welspun Foundation.
Da jooh embynta u leh ha ki CSR ka Mahindra Group kam u Head Group CSR; wa ka Naandi Foundation wow pynbiang yei puræ puthi wa ka um-dih ka kylleiñ ka India.
Hadien 25 snem i sñiaw u
U Harshvardhan da e khublei u ya ka KBC wa lyngba kani ka yakob da tipmit ya oo ha ka pyrthai iwa da pynkmen leh ya kiwa boon heiwa ym jooh poi pyrkhat u wa wot hadien kat kini ki snem dang em kiwa kynmoo wei burom ya oo.
Ki kyntien sneiñ na u Harshvardhan
Toh wow pynchlur wow puræ ya ki kot ki sla, iwa da duna bha hapyrdi ki khynnah katni heiwa lada kwah u chimbynta ha kani ka yakob emkaam u man kiwa puræ kot wei kiwa minot chiboon.
Discussion about this post