U Ramanuj Goswami uwa pynyap ya ka kurim u ha Hatigaon, Guwahati deiwa dung wei ah yei khlieh ko heiwa da ah lyngkhot u leh yei doh i pran ko, da mih sei pynbaad wa toh uwa em HIV wei uwa pynemkaam Heroin da boon snem.
Yeini da pyntip da u tre ka ‘Change N Growth Wellness Centre’ uwa da khana wa u Ramanuj da pna wan u cha kani ka Rehabilitation Centre wa em ha Rajgarh wei da psiah mih u hadooh 20 sien tangwa ym jooh ye u wow pyndep yei chah sumaar.
Ha kini ki por da Test leh ya oo heiwa da chem toh uwa em HIV wei da murieh u leh yeini na ka kurim u chwa u bia.
Neibynta i HIV da dih dawai u na ka ART Centre wa em ha Gauhati Medical College & Hospital, Guwahati.
Da pyntip leh wa u Ramanuj hadien wa dep bia u leh dang wan u cha kani ka Rehabilitation Centre chisien heiwa da sah u san sngi heiwa ka kurim u, ka Riya Talukdar Goswami leh da wan ko chisien yow su ya ka bai sumaar wei heitu i por ym tip u wa kini toh kiwa dadep bia.
Kam wow pynkynmoo wa ka Riya da chah pynyap ko ha u Ramanuj ha ka yungwai wa sah ki ha Basisthapur, Hatigaon.
Discussion about this post