Heiyatoh wa uwa yoh COVID-19 uwa lai cha Rangthong PHC hadooh wa da hap khang ya kani ka thaw sumaar wa em ha South West Khasi Hills, wei da pha leh Quaranitne ya ki bru wakreh kamjooh ki bru paidbah wa lai cha kani ka PHC.
U DHS(MI) ka jylla u Dr. A War da pyntip u wa uni u bru toh uwa tyngkheiñ yaka Quarantine yow li booh yaka kurim u kawa kreh ha Rangthong PHC deiwa sai yaka kari yong oo hi.
Uni u bru man u leh kam u Pharmacist ka Civil Hospital Shillong, wei da leh u yaka Quarantine hapoh kawi ka Hotel ha Shillong kawa da booh neibynta ki wakreh ka Civil Hospital da pyntip u DHS.
U DHS da pyntip u leh wa uni u bru chwa wow liwan u, da psiah u ha ki kattu katni ki thaw kam ha kawi ka ATM, wei manda chait u daw pynchitom hajrong wa tyngkheiñ u yaka Quarantine.
Na ini i mih uni u bru napoh ka Quarantine Centre da em leh 20 ngut ki bru kiwa da yachem u wei kiwa em hei maa namo ki High Risk Contact da em ki 4 ngut. I booddien dang dang lai i chakhmat.