Uwi 20 snem uwi won 3 snem phah kset ka yung bichaar ya kiwa slaitbor khynnah

U SP ka Eastern West Khasi Hills da pyntip u wa ha ka 04-01-23 da yoh FIR wa uwi u bru wa tip kam u Buksar Lyngdoh Lyngkhoi (37 snem) uwa chong wa sah ha chnong Dombahkseh, Eastern West Khasi Hills da slaitbor u ya kawi ka khynnah kynthai.

Ya ka Case da booh ha Mairang Police Station hapoh ki kyndon 363 IPC deilang wa ka Section 5(k)(l)/6 ka aiñ POCSO Act wei da takit yeini da ka WPSI B. Nongrang.

Heipor wa pynman yei takit da kem leh ya uni u bru wei da phah kset ya oo da ka Judicial Custody.

Hadien wa pyndep yei bichaar da ka yung bichaar u M. Kumar, Special Judge (POCSO), West Khasi Hills, Nongstoin da rai pynrem ya u Buksar Lyngdoh Lyngkhoi deiwa phah kset 20 snem deilang ka kuna kawa Rs. 15,000 deiwa pynchitom joor wei lada ym su ya kani ka kuna daw hap chong kset u (Simple Imprisonment) sa 6 bnai.

Related posts

Yoh kem drugs ki pulit na Lum Survey deilang ki bru kiwa suba toh kiwa na baar ri

February 18, 2026

Chah tooh biang sa kawi ka Scooty na pchem yung ha Jowai

February 16, 2026

Ha kawi won ka Case POCSO hi, u SP ka Eastern West Khasi Hills hi da pyntip u wa da yoh ya ka FIR ha ka 04-07-23 pyrchah ya u Phrangsngi Ryntathiang (27 snem) uwa na chnong Dongkiingding, Eastern West Khasi Hills District wa slaitbor u ya kawi ka khynnah kynthai.

Ya ka Case da booh ha Mairang Police Station deiwa pynngat ha ka Section 506 Para I ka IPC deilang ka Section 5(n)/6 POCSO Act wei da takit da ka A. Thongni.

Hadien wa pyndep yei bichaar da ka yung bichaar u M. Kumar, Special Judge (POCSO), West Khasi Hills, Nongstoin da phah kset ya u Phrangsngi Ryntathiang 3 snem deilang ka kuna kawa Rs. 1000 wei lada ym su u ka daw chah kset u sa 6 bnai.