Uyi oo u Balen wa kwah ki khynroo wow yahkhmat ya ka Nepal?

Hadien wa sdang i yakhih ki khynroo namo ki Gen Z ha Nepal ym du wow pyrchah ya i khang ya ki 26 tylli ki rynsan Social Media tangwa wot ya ki kaam baamtooh, da mih i pyrtuid u Balendra Shah ya uwa da khut maya u Balen wow man u kam u Prime Minister heithaw u KP Sharma Oli.

Hadien wa hiar chuki u Oli ynnin da mih i pyrtuid u Balen uwa man u khynroo kamjooh u Mayor ka nongbah Kathmandu kam u PM.

U Balen toh uwa 34 snem uwa man leh u Rapper kamjooh u Civil Engineer wei da psiah u ha ki kaam saiñ hima nadooh u 2022.

Da jop u ya ka chuki Mayor ka Kathmandu kam u kyrtong samen ha u 2022 da 61,000 Vote.

Da sdang u wow pawnaam ha Nepal ha ki jait rwai Hip-Hop wei da man u uwa pyrchah joor ya ki kaam baamtooh heiwa kam u Mayor da wanrah u yei kylla ha Kathmandu.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

U Balen da kyrchaan u yei yakhih ki Gen Z nadooh wa sdang deiwa kyntu ya ki wow kiar nei pynsihdur ya ka Nepal.

Ha Social Media da thoh u leh wa kamwa da yoh yeiwa mut wa thmu wow pynhiar chuki ya ka sorkar kattu da toh won wow sangeh yei yakhih.