Jowai: U Ganga Prasad uwa da thung u President ka ri kam u Lat ka ka jylla Meghalaya ynne ka sngi toh uwa jooh man kam u Member of Legislative Council (MLC) ka jylla Bihar wei nyngkong da jied ya oo ha u snem 1994 wei da ksoh u ya ini i kyrdan 18 snem wei jooh man u leh uwa yahkhmat ya ka liang pyrchah kamwa 5 snem.
Kam u Lat wa thymme da ong u wa u krehlang u wa waroh ki seiñ saiñ hima yow wanrah yei suk i saiñ katkam i bor wa da pynkup ha oo da riti synchaar ka ri.
Ki MLC phær ki na ki MLA heiwa ya ki MLA da jied da ki paidbah katwa ya ki MLC won da jied da ki Muktiar wa kiwa sikai heiwa ki kyndon toh ki MLC toh u man ki ki bru wa chemphang.
Ki MLA toh kiwa toh u kreh yow wanrah yow wanrah ya ka roi ka paar wei wow chna aiñ ki katwa ki MLC won ki yarap wow chong wow phyllu yumut ya ki aiñ thymme wa pynmih ki MLA.
Ki MLC won ym ye ki wow chna aiñ wei ym ye ki leh u em bynta kam heipor wa pynyoo bor ki MLA ha ka dorbar chna aiñ wei ym ye ki leh wow ksoh ya ki kyrdan montri.
Ki MLC ym em ki ha waroh ki jylla hapoh India.
Discussion about this post