Ka Meghalaya da jan rem ko ynne ka sngi haka yalehke ka Vijay Hazare Trophy pyrchah yaka Mizoram ha Chennai lym em u Dippu Sangma wa u Abhay Negi wa wan pynlait im yow pynjop da 2 Wicket deiwa sah 2 Over.
U Sangma (60 Not Out) wa u Negi (40) da wan lang ki heipor wa ka Meghalaya yoh ko 144/7 hawa kdong ya 237 Run yow jop deiwa emkaam 7 Run chi Over yow jop.
Kini ki arngut da kamai lang ki 84 Run heiwa u Sangma da yoh u yaka 60 Run na ki 61 bol (3x4s wa 4x6s) katwa u Negi da yoh u 40 Run na ki 27 bol (3x4s wa 2x6s). U Negi da haap u hadien wa emkaam 9 Run yow jop heiwa da wan yarap u Aditya Singhania (2 Not Out) yow pynpoi thong.
Ka Mizoram da jop ko yaka kylla khlem wei da jied ko wow Bat nyngkong, iwa man ka sien nyngkong ha kani ka Tournament waka Meghalaya da kawang bol nyngkong ko.
Na kiwa Bat ka Mizoram, u Pawan KB (89), u Taruwar Kohli (56) wa u Pratik Desai (41) da yarap ki wow pynpoi yaka Mizoram cha ka 236/7.
Ka Meghalaya kattu daw yachem ko waka Arunachal Pradesh ha kani ka 27 tarik.
