U montri rangbah ka jylla, u Conrad K Sangma uwa man leh kam u Chairman ka Co-ordination Committee yong ka dhab Meghalaya Democratic Alliance (MDA) da ong u wa hadooh katni ympu ye wow pynbait ya ka yalang ka Committee.
I daw wa ympu ye u pynman ya ka yalang toh neidaw wa boon ki dkhot ki seiñ saiñ pyrthai wa em ha ka sorkar MDA ym em ki ha nongbah Shillong.
Hawa yaklam wa u Conrad ynne ka sngi da ong u wa hanla ya ka Co-ordination Committee ympu yoh u khut yaklam hajrong ki mat yong ki seiñ tangwa neiliang yong oo da man u uwa smat wow yachem ha iwon iwon i por wa ki MLA namo kiwa yahkhmat ki Party kiwa em ha ka sorkar.
