U Chief Executive Member ka Khasi Hills Autonomous District Council, u Titosstarwell Chyne da pyntip u wa ka Council da em ko hei dooh nong da boon klur tangka naka Professional Tax wa toh u yoh ha ka chi snem.
Da pyntip u wa ka Executive Committee da yatai bha yei wym yoh ya katai ka dan ‘Professional Tax’, wei ynne ka sngi da rai wow pynsmat noh neibynta wow wanrah yei krehkaam Online khnang wa kitu kiwa toh u su u ye ki wow su rap smat neibhah kamwa man katni da em i wym kitkhia da kiwa khayi wow su ya ka dan.
Hawa kylli, u CEM da pyntip u wa da em jar jair i rukom su wei toh kawa hapoh T. 2500 wei hawa kylli chooh chooh da pyntip u wa katkam ka yukheiñ yonglang ka KHADC da toh wow yoh kamwa T. 14 klur chi snem du na ka ‘Professional Tax’, tangwa kamwa man katni i yoh man ko du kamwa T. 5-6 klur.
Ha iwi i liang u CEM da kyntu u ya kitu kiwa toh wow su ya katai ka dan wow wan ki chakhmat wow su noh khnang wa ki kaam yong ki ym thut i, heiwa da pyntip leh wa katwa i pynkhreh wow su Online dang lai ko, ye ki leh wow su kamwa jooh leh.
