Ka Dorbar Paidbah ka chnong Umlong, East Jaiñtia Hills wa da pynman ynne ka sngi da rai ko wow tyngkheiñ noh ya u Waheh Chnong kamjooh ya u Secretary ka chnong hadien wa da chem wa da e ki ya ki ar tylli ki NOC wow tih moochuni khlem tip ki khon ka chnong.
Ya ka yalang paidbah ynne da pynman ha ka yung Dorbar ka chnong hei emlang ki dkhot ka Executive Committee ka chnong heiwa da chem wa lyngba ka jubab RTI wa da paan na ka chnat Forest & Environment ka jylla kamjooh na ka JHADC ha ka 7 Duyatra (Jan) 2021 da chem wa da e ya ka NOC cha ki 2 ngut ki bru wow tih ya u moochuni wei yeini da leh khlem da tip kiwa chong chnong.
Katkam ka jubab RTI wa da yoh da chem wa ya ki NOC da e cha ki ar ngut wow tih moochuni ha ki thaw hapoh u pood ka chnong ya kiwa kynthup ya u B. Dhar ha ka 2 Thohlakhmi (Feb) 2018 wa ya u B. Rupsi ha ka 11 Duyatra 2021.
Ha kani ka yalang ynne ka sngi ki paidbah ka chnong da chem ki wa lyngba ka jubab RTI wa u waheh chnong u Nangpoi Rymbai wa u Secretary (warim) u Charles Dkhar da tyngkheiñ ki ya ki kyndon ka chnong deiwa e ya ka NOC wow tih ya uni u mar pohkhyndaw khlem i tip ki khon ka chnong.
