U Montri ka sorkar pyrdi wa pait ya ka chnat Law & Justice, u Kiren Rijiju uwa man leh u MP ka Arunachal Pradesh da sneiñ u ya kiwa uiñke suwari wow thooh yutip wa bniah chwa wow wan cha Tawang neidaw wa joor ka yor.
Ka yor da joor bha ko wei da man i leh iwa maa ya kiwa uiñke suwari neidaw u sarok toh uwa da tymmoh da ka yor khamtam ki bynta ka Baishakhi, Nuranang wa Sela Pass kiwa lai cha Tawang wei da hiar chadooh -25C i dait thah.
“Ki kari wa da sahkut ha Sela Pass da hap wow wan yarap pynlait da ki bru ka Indian Army waka Border Roads Organization kamjooh ki bru paidbah wei lada sahkut najrong i kjam ym em man ko iwa chngaaiñ,” da ong u Kiren Rijiju deiwa pynrap wa oo leh da jooh maad ya ini wei ym toh iwa suk kamtæ emkaam wow pynkhreh chwa wow wan.
I haap ka yor man ko leh ha iwi i liang i kyrkhu ya ki kaam uiñke suwari hawa boon kiwa wanke kwah ki wow yoo ya ka yor.
Ha i Video wa da booh u Rijiju ha u Twitter da pynyoo u yeiwa hap yarap ngiat kari wei wow hap lai chwa dei kjat yow pynlait ya ki kari neidaw wa joor ka yor.
