Ka Marathon wa pynman da ka Jaiñtia Tourism and Environment Society (JTES), Jowai kawa da pynbait wow pynman ha kani ka 23 tarik da em i pynkylla ka kattu katni i pynkylla.
Yei por da rah nei 8:00 waje i step cha ka 7:00 waje i step heiwa waroh kiwa chimbynta da toh u poi ki ha laad Thadlaskein heipor 6:00 waje i step.
Waroh kiwa chimbynta toh u sap ki ya ka T-Shirt wa dadep e cha ki deilang waka patlun tbian.
I luti wa pynman ya ka Marathon da pynkylla wei ym lai de na Iawmusiang neidaw wa nang joor boon i jhep wa lang kat dang mih ki sngi kamjooh i smatung.
Kamtæ kiwa chimbynta u lai luti ki na Thadlaskein, Hill Top, Yingkieñ Myntdu wei hap ki wow hiar naka sarok Bypass yow poi cha Riatsasim, Mynthong yow pynkut ha madan Jrisaleiñ.
Ya ki khusnaam (Prize) leh daw saam ha madan Jrisaleiñ hi hadien wa kut ka Marathon.
Ya ka kyrdan yaphet yong ki kynthai da hap pyndam neidaw wa duna ware kiwa wan chimbynta.
Ki Prize man ki kamni ha wah:
1st Prize- Rs. 5000 waka Certificate
2nd Prize- Rs. 3000 waka Certificate
3rd Prize- Rs. 2000 waka Certificate
Ha kani ka sngi daw pynman leh ya ka Cleaning Drive ha tymbud u sarok Jowai-Shillong nadooh na Shallam-Syngkon Petrol Pump hadooh ha Hill Top Restaurant heipor 10:00 waje i step.
Ya i yutip wa bniah ye phi wow Phone ha kini ki Number- 9862927501, 9436106341.
I pyntip na u Philemon Lyngdoh, President Jaiñtia Tourism and Environment Society, Jowai.
