theme-sticky-logo-alt
theme-logo-alt
Advertisement ad1
Advertisement ad1

Ym lait de u lai luti wa da kah i jhep

Advertisement ad1
Advertisement ad1
Advertisement ad1

Hawa lai cha ki bynta wa pynman yaw ha Jowai ym sñiaw yoh de yei chait i khiah du nei sma wa mih nei jhep kiwa da dap charood sarok kiwa poi leh chadooh pyrdi sarok, kiwa mih na ki yaw ki haat kamjooh iwa noh da kiwa chong chnong kiwa ym em laad de da iwi hadien ar bnai tam ym em de wa wan kit yei jhep.

Iwi i luti lai kjat ki paidbah wa da chah ktah dooh toh iwa em ha chrooh ka HK Singh Memorial Secondary School, Jowai wa em hajan ka Yaw Chyiap iwa ini wadep hap dei kynthiar yei jhep wa deiwa lai na chram yow ye u lai.

Advertisement ad1

Tangwa kattæ i bynta wow psiah cha ini i luti lai kjat da kah lut da i jhep wa noh ki bru iwa da song ha ki Plastic wa boon.

Ini i luti lai kjat toh iwa na Chutwakhu yow poi cha Mynthong iwa pynemkaam da kiwa boon nadooh ki khynnah skur wa kiwi kiwa lai yaw lai kreh tangwa kattæ da man iwa da chah khang hei jhep.

Kiwa lai noh jhep heini leh boi kiwa da kut laad wym neh chah de yeiwa da sma ha ki yung ki sem wei deiwa pait yei rukom noh toh iwa da noh man-ka-sngi i jhep wa mih na ki yung ki sem.

Lada kamni chiewon u poi, ka sorkar leh kawa da wiar buit wei da yang donhi ya ka yung bichaar kammon u e hukum ko wei lada em ki wym sñiawsuk ya ka hukum ka yung bichaar ym dam ki wow yaleh mukotduma kylla yow pyrchah iwa daw poi biang chei jooh biang wa sah i jhep khlem kit.

I leh ka Jowai Municipal Board ini wadep wow lai noh jhep dei rieh dei leh tooh da pyndooh ko leh yei chaniah na kiwon kiwon ki chnong lada em kiwa em yei thmu wow e thaw noh jhep.

Lada ym pynkylla de yei rukom pyrkhat yei jhep deiwa ye u pynman noh ki kam iwa kordor iwa ye u wanrah ya ka spah, i pyrchah daw neh bait i.

Ka sorkar leh toh u e kylliang ko da iyi re iyi lada em ka chnong wa chah wow chna yei thaw noh jhep wa man katkam ka juk katni deiwa pynbiang da ka puræ puthi katæ ka chnong, ki luti syngkieñ kam ka nongmuna leh ya kiwi neibhah kamwa man kattæ i eh wa mih nei jhep da yang i ya kiwa boon ki chnong wa man sor hapoh ka jylla ym du ha Jowai donhi.

Share this:
Previous

Wa joor lang i jhep ha Iawmusiang hap pynkylla ya ka luti phet Marathon ka JTES

Next

Da ka yalang paidbah khut ka JSU neibynta i jhep ha Iawmusiang