Ki rtap yada ha yung krehkaam wa thymme yong ka All India Trinamool Congress wa ha ka Soso Tham Auditorium da pynthut ko ya kiwa boon wa lai wa wan neidaw wa wan u General Secretary ka Trinamool Congress, u Abhishek Banerjee.
I khor wow psiah cha kitai ki ar tylli ki thaw leh da man chawa palat, neibhah wot kiwa chah khut sñiawbha da chah pynwit ha kiwa sonteri hadooh wot kiwa thoh khubor, wei kiwa pynlai ya ka yalang leh ym em burom ki yei por kamwa da booh.
Neidaw wa joor pynrkhiñ chawa palat hadooh kiwa thoh khubor leh da chah khang da ki SPG, kamtæ neiliang kiwa thoh khubor da mih noh ki na i thaw wa wai ya ka yung krehkaam wa thymme ha Lachumiere, wei hadien wa pynyoo kiwa thoh khubor yei chrai, neiliang kiwa kitkaam ka Party da yaklam pynsñiawthooh ki wei da kyrpaad ki ya kiwa thoh khubor wym toh u sñiaw iyi iyi yei duna wei wow lai chakhmat wa i kaam.
