Ka All India Trinamool Congress hachwa wow lai chakhmat neibynta ka Election MLA 2023 yong ka jylla, da wai paidbah ko ya ka yung krehkaam ko wa em ha Lower Lachumiere, Shillong heiwa da wan da u National General Secretary, u Abhishek Banerjee. Ha kani ka sngi uni uwa yahkhmat ka Trinamool Congress da klam u leh cha kiwa kitkaam ka TMC wa kiwa yahkhmat ha ka yalang wa da pynman ha U Soso Tham Auditorium.
Ha ini i wan yong uni uwa yahkhmat ka TMC, waroh kiwa yahkhmat wa kynthup ya u Dr. Mukul Sangma, u Charles Pyngrope, u George Lyngdoh wa kiwi ki MLA kiwa da mih na ka Congress ynnin u snem da ya poi ki, tangwa u MLA ka Mawsynram, u Himalaya M Shangpliang wa u MLA ka Sutnga-Saipung, u Shitlang Pale wa 2 ngut ki MLA na Garo Hills ym em poi ki.
Katkam ka khubor wa da lai cha wah chaneiñ wa kini ki 2 ngut ki MLA kiwa dang pynyabi cha ka AITC dang du chiteiñ snem da em ki i thmu wow yakhun ya ka Election MLA na kiwi ki Party, ym na ka AITC.
