Ka KSU Lakadong Unit deilang waka Education Cell yong ka KSU East Jaiñtia Hills District Unit ha ka 13 tarik da lai pynsñiaw ki wei da booh ki dei thoh hakhmat ka Sub Divisional School Education Officer (SDSEO) hajrong i jæd i pai ka tnoom yung ka skur Ummat Lakadong Government LP School.
Ka seiñ hawa yaklam wa ka SDSEO da pynsñiaw ko ya kam kini ki kaam da booh ya ki CRP (Cluster Resource Person) ha man ki chnong kiwa em ya ki LP School wei leh ya ki SSA wa UP School yow pait ki yei long i man ki skur ha kylleiñ ka District wa jylla kamjooh.
Neiliang ka SDSEO da chimkhia ko wow phah Enquiry wei leh wow phah chna noh smat ya kani ka skur wei da pyntip ko wa ha waroh kawi ka District da em 109 tylli ki LP School, 30 tylli ki UP School wa 85 tylli ki skur SSA heiwa neiliang ka seiñ da kyrpaad ko wow pait wei lai pait bha ya kini ki skur boi ya dang em kiwa da sih wei emkaam wow pynchna yow lait u dooh nong ki khynnah kiwa thrang sakhiat wow yoh yei stat.
